محمد حفیظ تون اوار 6 قومی کرکٹر آتا کورونا ٹیسٹ ارٹمیکو وار ولدا منفی بس
Get real time updates directly on you device, subscribe now.
لاہور (مانیٹرنگ ڈیسک) کرکٹر محمد حفیظ تون اوار 6 قومی گوازی گرتا ارٹمیکو وار ہم کورونا ٹیسٹ منفی بس اوکان پد داسہ او انگلینڈ آ راہی مننگ کن تیار ءُ۔ پاننگانے کہ ارٹمیکو وار منفی ٹیسٹ بروک آتیٹی فخر زمان، محمد حسنین، محمد رضوان اوار ءُ۔ شاداب خان و وہاب ریاض نا ٹیسٹ ہم نیگٹو بسنے۔ محمد حفیظ تون اوار 6 کرکٹر آتا پی سی بی نا کنڈآن کروک آ اولیکو ٹیسٹ پازیٹو بسوسُس، محمد حفیظ ہمت کرسا پرائیویٹ ءُ لیب اسے آن تینا ٹیسٹ ءِ ولدا کرفے ہرا منفی بس ہراڑا اونا سٹیٹس شکبر مسوسُس۔ کرکٹ بورڈ 26 جون آ ولدا ٹیسٹ کرفے ہراڑا ہندا گوازی گرتا ٹیسٹ رپورٹ آک منفی بسوسُر اوڑان بیدس 6 گوازی گرتے برطانیہ آ ہننگ آن توننگاسُس۔ پی سی بی نا چیف ایگزیکٹو وسیم خان پاریسُس کہ ہندا 6 گوازی گرتا اولیکو کورونا ٹیسٹ مثبت بسوسُس ارٹمیکو ٹیسٹ نا نتیجہ منفی بننگ آن پد دا 6 گوازی گر انگلینڈ آ ہننگ کپسہ۔ داسہ پی سی بی اوفتا مسٹمیکو ٹیسٹ ءِ ہم کرفے ہرا منفی بسنے۔ داسہ دا گوازی گرک برطانیہ غا ہننگ کیرہ۔