فٹبال پریمیئر لیگ‘ برنلے کرسٹل پیلس ءِ 1-0 گول اٹ کٹسا

لندن (مانیٹرنگ ڈیسک) فٹبال پریمیئر لیگ اٹ برنلے کرسٹل پیلس ءِ 1-0 ٹی کٹسا پوائنٹ ٹیبل اٹ مونی ہنا۔ سخت انگا مقابلہ ٹی می نا گول میچ ءِ بدل کرے۔ لاک ڈاؤن اٹ نرمی آ انگلش گراؤنڈ آتا فٹبال نا رونق آک ولدا بحال، پریمیئر لیگ نا ٹیمک برنلے و کرسٹل پیلس مون مقابل مسر، خالی انگا اسٹیڈیم اٹ گوازی گر نا سُست ءُ گوازی اس سلیس، اولیکو ہاف اٹ ہچ ءُ گول اس مننگ کتو۔ ارٹمیکو ہاف اٹ گوازی گرک جوان گوازی کرسا جوان ءُ جلہو کریر، 62 میکو منٹ اٹ می گول اس کرے، برنلے 1-0 اٹ مونی مس تو مقابلہ بھاز سخت مس ولدا ہم میچ انا گڈسر اسکان می انا اسٹ انگا گول خلاس مننگ کتو۔  کٹوک آ ٹیم ءِ اسہ کٹنگ نا ارٹ رسینگا، پوائنٹ ٹیبل آ 45 پوائنٹ نا ترقی و ہشتمیکو پوزیشن رسینگا۔ فٹبال نا یورپی ایونٹ اٹ کوالیفائی کننگ نا اومیت آک جوان مسر۔