قومی اسکواڈ نا انگلینڈ اٹ اولیکو کورونا ٹیسٹنگ نا رپورٹ آک پی سی بی ءِ رسینگار
Get real time updates directly on you device, subscribe now.
لاہور (مانیٹرنگ ڈیسک) قومی اسکواڈ نا انگلینڈ اٹ اولیکو کورونا ٹیسٹنگ نا رپورٹ آک پی سی بی ءِ رسینگار۔ وورسٹر اٹ ساڑی 20 گوازی گر و ٹیم منیجمنٹ نا 12 باسک آتا ٹیسٹ منفی بسنے۔ ای سی بی میڈیکل پینل نا کنڈآن قومی اسکواڈ نا وورسٹر اٹ کوویڈ 19 ٹیسٹنگ تدوک آ دے مسوسُس۔ ٹیسٹ نا رپورٹ نا منفی بننگ آ قومی گوازی گرتے وورسٹر اٹ ٹریننگ نا موکل رسینگا۔ اُرے آ اسکواڈ ءِ جوائن کروک آ اسپنر ظفر گوہر و فزیو کلف ڈیکن نا ٹیسٹ انا رپورٹ آک ہم اینو رسینگرہ۔ داکان مست لاہور اٹ محمد حفیظ، وہاب ریاض، فخرزمان، محمد رضوان شاداب خان و محمد حسنین نا ٹیسٹ ہم نیگیٹو بسوسُس۔ ارٹمیکو وار رزلٹ نا منفی بننگ آن پد داسہ 6 کرکٹر دورہ انگلینڈ کن کلیئر ءُ۔