بنجائی بجٹ گیشتری نا سلاہ اٹ منظور
Get real time updates directly on you device, subscribe now.
اسلام آباد(آن لائن/اے پی پی) بنجائی اسمبلی ٹی مالی سال 21-2020 کن پاکستان تحریک انصاف نا حکومت نا پیش کروک آ بجٹ گیشتری نا سلاہ ٹی منظور کننگا۔ اپوزیشن نا کل ترمیم آک رد ،”حکومت ءِ160 ، اپوزیشن ءِ 119 ووٹ رسینگا، بی این پی مینگل اپوزیشن ءِ ووٹ تس، اپوزیشن ءِ ایوان اٹ اتوک آ پلے کارڈ و بینر آتے نشان تننگ نا وخت ہم رسینگتو، حکومت نا باسک آتا خوشی آن نعرہ بازی، اپوزیشن باسک آک بھاز شور کریر، ”ننا شان ننا جان عمران خان ، عمران خان “ نا نعرہ غاتیٹی دیوان اینو سہب اسکان ملتوی کننگا۔ اسپیکر قومی اسمبلی اسد قیصر نا کماشی ٹی تدوک آ دے مروک آ قومی اسمبلی نا دیوان اٹ وزیراعظم عمران خان، وزیر خارجہ شاہ محمود قریشی، چیئرمین پیپلزپارٹی بلاول بھٹو ہم بشخ ہلک۔ قومی اسمبلی بجٹ 2020-21 نا گیشتری نا سلاہ ٹی منظور کرسا اپوزیشن نا کل ترمی آتے رد کرے۔ حکومت نا 160 و اپوزیشن نا 119 باسک آتا ساڑی گری ٹی اپوزیشن نا مورال شیف تما۔ ایوان اٹ اتوک آ پلے کارڈ و بینر تے نشان تننگ نا ہم وخت رسینگتو۔ بی این پی مینگل ہم بجٹ آ اپوزیشن ءِ ووٹ تس۔