عمران خان نوٹس ہلنگ ءِ بس کے، استیفہ ایتے، بلاول بھٹو زرداری

اسلام آباد ( آن لائن ) پیپلز پارٹی نا چیئرمین بلاول بھٹو پارینے کہ ننا وزیراعظم تون اِرا آپشن ءُ، او ایوان آن معافی خواہے یا استیفہ ایتے و اُرا غا کاہے۔ حکومت نا دا بجٹ ہر وڑ اٹ فیل مسنے۔ حوال نا رداٹ قومی اسمبلی نا دیوان آن پیپلز پارٹی نا چیئرمین بلاول بھٹوزرداری تینا خیال آتا درشانی ءِ کرسا پارینے کہ نن بجٹ آ بھلو بھلو تران کرینن، ملک انا ساڑی حالیت آتیٹی وزیراعظم تون بیرہ 2 آپشن ءُ، وزیراعظم دا ہاوس آن معافی خواہے کہ ردی مسنے یا ملک انا ساڑی حالیت آتیا وزیراعظم استیفہ ایتے۔ بلاول بھٹو پارینے کہ وزیراعظم عمران خان استیفہ ایتے و اُرا غا کاہے، وزیراعظم نا عہدہ ءِ پین لائخ ءُ بندغ اسے تننگے، بجٹ تران اٹ پاننگا کہ پٹرولیم بہاتیٹی کمتی آن 42ارب نا ریلیف رسینگک، بجٹ منظور مننگ آن مست اُلس پیڑول بمب اس بٹنگا، پٹرول، ڈیزل و ایلو گڑاتا بہاتیٹی ودکی آن اُلس فریشانی نا گواچی ءِ۔