پاکستان سری لنکا ءِ 8 وکٹ اٹ دسسا ٹیسٹ سیریز ءِ کٹا
راولپنڈی، پاکستان سری لنکا ءِ ارٹمیکو ٹیسٹ میچ اٹی 8 وکٹ اٹ کٹسا اِرا ٹیسٹ میچ آتا سیریز ءِ تینا پن آ کرے۔ راولپنڈی ٹیسٹ انا چارمیکو دے پاکستان 90 رنز انا ہدف ءِ بیرہ 13 اوور اٹی 2 وکٹ نا نسخان آ پورو کرسا گچین سرسہبی دوئی کرے‘ پاکستان نا کنڈ آن اذان اویس 32 و عامر جمال 34 رنز اتون اوار ناٹ آؤٹ مسر‘ وخت اس کہ محمد طیب عارف 13 و محمد طحہٰ 4 رنز جوڑ کرسا آؤٹ مسر۔ سری لنکا نا کنڈ آن لاہیرو کمارا و اسیتھا فرنینڈو اسہ اسہ وکٹ ہلکر۔ سری لنکا اولیکو اننگز اٹی بیرہ 98 رنز جوڑ کرے، ہرانا ورندی ٹی پاکستان 325 رنز جوڑ کرسا اولیکو اننگز اٹی 227 رنز انا برتری دوئی کرے۔ مہمان ٹیم ارٹمیکو اننگز اٹی گچین مزاحمت کرسا 316 رنز جوڑ کرے و پاکستان ءِ 90 رنز انا ہدف تس۔ سری لنکا نا ارٹمیکو اننگز اٹی ملن رتنائیکے 60 رنز اتون ناٹ آؤٹ مس۔ سونال دینوشا 54 و کوسال مینڈس 53 رنز جوڑ کرسا نمان ئسر۔