پاکستان ای سی او ناکماشی ناوخت آ علاقائی کمکاری و زرگزرانی اواری ءِ اولیت ایتک،نائب وزیراعظم اسحق ڈار

نائب وزیراعظم نا ای سی او سیکرٹری جنرل ڈاکٹر اسد مجید خان تون اوڑدہی‘ پاکستان 2027 اٹ تنظیم نا سروکی دیوان نا مہمانداری کننگ کن سنبرینگوک ءِ

0

Get real time updates directly on you device, subscribe now.

اسلام آباد، نائب وزیراعظم و وزیر خارجہ اسحاق ڈار پارینے کہ پاکستان اقتصادی کمکار تنظیم (ای سی او) نا بروک آ کماشی نا وخت آ علاقائی کمک‘ رابطہ غاتے شون تننگ و زرگزرانی انضمام ءِ تینا اولیت آتے ٹی اوار کیک وخت اس کہ پاکستان 2027 اٹ ای سی او سروکی دیوان نا مہمانداری کن ہم سنبرینگوک ءِ۔ ترجمان دفتر خارجہ نا رد اٹ نائب وزیراعظم اسحاق ڈار اسلام آباد اٹ 30 می ای سی او وزرائے خارجہ کونسل نا دیوان ناوخت آ تنظیم نا سیکرٹری جنرل ڈاکٹر اسد مجید خان تون اوڑدہی کرے‘ ہراٹی پاکستان نا بروک آ کماشی‘ علاقائی کمکاری نا ودفنگ و تنظیم نا اسیجائی ہدف آتیا گپ وتران کننگا‘ اوڑدہی ناوخت آ اسحاق ڈار پارے کہ پاکستان نا ای سی او کماشی نا سرحال ”علاقائیت نا احیا، سوگو و گچین ای سی او کن“ مریک‘ او پارے کہ پاکستان تینا کماشی ناوخت آ باسک ملک آتا نیام اٹ کمکاری‘ علاقائی رابطہ و زرگزرانی اسیجائی ءِ پین شون تننگ کن گام گیج کیک۔ نائب وزیراعظم دا ارادگی نا درشانی ءِ ہم کرے کہ پاکستان 2027 اٹ ای سی او سروکی دیوان نا مہمانداری ءِ کننگ کن ہم سنبرینگوک ءِ و تنظیم نا مسخت آتے دوئی کننگ کن تینا کڑدار ءِ برجا تخک۔ ترجمان دفتر خارجہ نا رد اٹ ای سی او نا سیکرٹری جنرل ڈاکٹر اسد مجید خان 30می وزیرخارجہ کونسل دیوان نا جوان بست وبند و مہمانداری آ پاکستان نا سفت ءِ کرے‘ او پاکستان ءِ تنظیم نا بروک آ کماشی ءِ دوئی کننگ و 2027 اٹ سروکی دیوان نا مہمانداری آ مبارکبادی ہم تس۔ اوڑدہی ٹی پاکستان و ای سی او سیکرٹریٹ دا ہیت آامنا کریر کہ پاکستان ناکماشی ناوخت آ خڑک رابطہ و کمکاری برجا تخنگک تاکہ تنظیم نا اسیجائی ہدف آتے گچین وڑ اٹ مونی دننگ مرے‘ ہڑتوم آکنڈآن علاقائی شونداری و شونہالی نا اسیجائی مسخت آتے دوئی کننگ کن مہالو آن پک کروک گام گیج آتیا گچین عملدرآمد نا گرج آ ہم زور شاغنگا۔

Get real time updates directly on you device, subscribe now.

Leave A Reply

Your email address will not be published.