وزیراعلیٰ بلوچستان میر سرفراز بگٹی تون ہڑزخواہی ارٹمیکودے ہم برجا سلیس
قطبی ڈیرہ بگٹی، وزیراعلیٰ بلوچستان میر سرفراز بگٹی نا تاتہ و صوبائی اسمبلی نا مسکوہی باسک میر طارق بگٹی نا لمہ نا کزیت آ ارٹمیکو دے ہم ہڑزخواہی نا ریسہ برجا سلیس‘۔ دا رد اٹ پاکستان ہاؤس قطبی ڈیرہ بگٹی ٹی بلوچستان تون اوار پنجاب و سندھ آن تعلقدار شاری، سیاسی و راجی شخصیت و سرکاری افسر آتا بننگ نا ریسہ برجا ئس، ہراڑے اوفک پدخاہوت تون ہڑزخواہی و ارمان کریر۔ قومی اسمبلی نا باسک میاں خان بگٹی، مسکوہی بنجائی وزیر میر باز کھیتران تون اوار کیہی سیاسی و راجی شخصیت آک پاکستان ہاؤ آبرسا وزیراعلیٰ بلوچستان میر سرفراز بگٹی و ایلو پدخاہوت تون ہڑزخواہی کریر و ایماندار نا زوال آ ڈکھ و ارمان کریر۔ داوخت آ زند انا کیہی بشخ آتتون تعلقدار بندغ آک ایماندار نا ایصالِ ثواب کن دعا پاتیہ کریر و دعا کریر کہ اللہ تعالیٰ ایماندار ءِ جنتی کے و پدخاہوت ءِ صبر کننگ ناتوفیق ایتے۔