ای سی او ملک آتا وزیر خارجہ کونسل نا 30 می اِرا دے ئی دیوان نا بنا

دیوان ناکماشی ءِ سیکرٹری خارجہ عاصم افتخار احمد کرے، تنظیم نا سرجز و پروگرام تتون اوار ذیلی ادارہ غاتا کارکڑد نا جاچ ءِ ہم ہلنگا

0

Get real time updates directly on you device, subscribe now.

اسلام آباد، اقتصادی کمکار تنظیم (ای سی او) نا باسک ملک آتا وزیر خارجہ غاتا کونسل نا 30 می اِرا دے ئی دیوان اسلام آباد اٹی بنا کرے‘ اسلام آباد اٹی مروک آ دیوان اٹی بشخ ہلنگ کن اقتصادی کمکار تنظیم نا کیہی باسک ملک آتا وزیرخارجہ، ڈَل آتا سروک، ای سی او سیکرٹریٹ و ای سی او نا ذیلی ادارہ غاتا نمائندہ غاک مہالو آن اسلام آباد آسر مسنو۔ دیوان اٹی اقتصادی کمکار تنظیم نا سیکرٹری جنرل اسد مجید خان و پاکستان نا سیکرٹری خارجہ عاصم افتخار احمد ہم بشخ ہلنگ اٹی ءِ‘ اقتصادی کمکار تنظیم نا وزیر خارجہ غاتا کونسل نا باقاعدہ دیوان اینو دوشنبے نا دے مریک‘ دیوان آن مست ای سی او باسک ملک آتا سینئر کمامدار آتا اسہ اہم ءُ دیوان اس یک شنبے نا اڈ ہلک ہرانا کماشی ءِ سیکرٹری خارجہ عاصم افتخار احمد کرے۔ دیوان اٹی ای سی او نا سیکرٹری جنرل اسد مجید خان و باسک ملک آتا نمائندہ غاک بشخ ہلکر۔ دیوان اٹی تنظیم نا سرجز و پروگرام تا اواری اٹ ذیلی ادارہ غاتا کارکڑد نا جاچ ءِ ہم ہلنگا۔ دیوان اٹی وزیر خارجہ کونسل نا دیوان نا ایجنڈا و سلاہی پک دستاویز آتا منظوری تننگک‘ دیوان مست ای سی او نا سیکرٹری جنرل اسد مجید خان تنظیم نا داسہ نا سرجز آتا بابت جاچ پیش کرے۔ داوخت آ اقتصادی کمکار تنظیم نا باسک ملک آتا نمائندہ غاک ہم تینا خیال آتا درشانی ءِ کریر۔ اسلام آباد اٹی ای سی او وزارتی دیوان نا سرحال ‘ریوائیونگ ریجنلزم فار اے ریزیلیئنٹ ای سی او’ تخنگانے۔ اقتصادی کمکار تنظیم نا 10 باسک ملک آتیٹی پاکستان تون اوار ترکیہ، آذربائیجان، ایران، قازقستان، کرغزستان، تاجکستان، ترکمانستان، ازبکستان و اوغانستان اوار ءُ۔ ای سی او نا بنداوی مسخت آتیٹی واپاری‘ زرگزران، توانائی، ٹرانسپورٹ، تکنیکی و ربیدگی بشخ آتیٹی تین پہ تینی کمکاری ءِ شون تننگ ءِ۔

Get real time updates directly on you device, subscribe now.

Leave A Reply

Your email address will not be published.