زرگزرانی ویل آتا برخلاف جہد برجا سلک، مولانا ہدایت الرحمن
کوئٹہ، امیر جماعت اسلامی بلوچستان و صوبائی اسمبلی نا باسک مولانا ہدایت الرحمن بلوچ پارینے کہ بلوچستان اٹی بے امنی، وڈی خوری، شاہراہ تا بندش، السی حق آتا لتاڑ و زرگزرانی خواری تا برخلاف جماعت اسلامی نا جہد برجا سللک 22 نومبر آ کوئٹہ ٹی مروک آ بھلا السی جلسہ غان امیر جماعت اسلامی پاکستان حافظ نعیم الرحمن خصوصی تران کیک و آخبت نا حکمت عملی ناپڑو ءِ کیک‘ جلسہ ٹی ہزار آ ورنا، عالم دین‘ قبائلی متبر، پوریاگر برادری و شاریک بھلو کچ اسے ٹی بشخ ہلیرہ‘ دا خیال آتا درشانی ءِ او کوئٹہ ٹی جلسہ نا تیاری تا رد اٹ چندی ڈَل آتتون اوڑدہی و کارنر میٹنگ تیاں تران کرسا کرے۔ مولانا ہدایت الرحمن بلوچ پارے کہ بلوچستان نا الس بے امنی، بے روزگاری، کبینی، وڈی خوری و بنداوی آسراتی تا مفننگ کون آ بھلا ویل آتتون مون تننگ اٹی ءِ۔