طالب علم یونین آتا بحالی کن بھرمی گام گیج کننگے، احسان اللہ ناصر
کوئٹہ، اسلامی جمعیت بلوچستان طلبہ نا ناظم احسان اللہ ناصر پارینے کہ تعلیمی ادارہ غاتیٹی طالب علم یونین آتا بحالی، آب اٹو تعلیمی آسراتی تا فراوانی و طالب علم آتا ویل آتا ایسری کن بھرمی گام گیج کننگے طالب علم آتا بنداوی حق آتا رکھ، طالب علم یونین آتا بحالی و تعلیمی ویل آتا ایسری کن اسیجائی جہد انا گرج ءِ‘ دا خیال آتا درشنی ءِ او یک شنبے نادے کوئٹہ پریس کلب اٹی اسلامی جمعیت طلبہ بلوچستان نا کنڈآن اڈ تروک اسٹوڈنٹس رائٹس کانفرنس آن تران کرسا کرے۔ دا وخت آ او پارے کہ تعلیمی ادارہ غاتیٹی طالب علم یونین تا بحالی السی و تعلیمی حق ءِ ہرانا سوب آن ورنا تیٹی سرکڑدہی و فکری لائخیک ودی مریرہ۔