بلوچستان ریونیو اتھارٹی ءِ سوگو و فعال کننگے، سرفراز بگٹی

کوئٹہ، وزیراعلیٰ بلوچستان میر سرفراز بگٹی نا کماشی ٹی بلوچستان ریونیو اتھارٹی (بی آر اے) نا واکداری ٹی ودکی، بنگکاری نا سالانہ ہدف تا دوئی کننگ و ادارہ ءِ پوسکنوڑ خواست آتتون ہم آہنگ کننگ کن اصلاحاتی گام گیج و قابلِ عمل حکمت عملی نا جاچ ہلنگ تون تعلقدار اہم دیوان چارشنبے نا دے چیف منسٹر سیکرٹریٹ اٹی اڈ ہلک۔ دیوان اٹی ادارہ نا جم کارکڑد‘ بنگ انا دوئی کننگ نا حالیت و انتظامی و ادارہ ئی اصلاحات آ جم سجفنگا۔ دیوان اٹی فیصلہ کننگا کہ بلوچستان ریونیو اتھارٹی ٹی ڈیپوٹیشن آ تعینات افسر آتا خذمت آتے اوفتا تعلقدار محکمہ غاتے پدی تسر، وخت اس کہ ادارہ نا کسبی واکداری و کارکڑد ءِ گچین جوڑ کننگ کن مارکیٹ و تعلقدار بشخ آتا چاہندار آتا خذمت آتے دوئی کننگک تاکہ بنگ انا دوئی کننگ کن پوسکنوڑ خواست آتا رِد اٹ گچین حکمت عملی ٹہیفنگ مرے۔ وزیراعلیٰ میر سرفراز بگٹی پارت کرے کہ بلوچستان ریونیو اتھارٹی ءِ سوگو، فعال و کسبی بنداو آتیا سوگو ءُ ادارہ اس جوڑ کننگے۔