اردن نا سویلی شام اٹی شدت پسند آتیا فضائی جلہو، 7 بندغ زوال
Get real time updates directly on you device, subscribe now.
دمشق، چرچ آ جلہو نا زموار شکبر بندغ آتا شام اٹی کاریم کروک شدت پسند ٹولی تتون رابطہ مون آ بننگ آن پد اردن نا فضائیہ سویلی شام اٹی گمانی شدت پسند آتا ہنکین آتیا جلہو کرینے۔ اردنی فوج انا رِد اٹ کارروائی دمشق حکومت تون ہم گرنچی اٹ کننگا، ولے شامی حکومت دا موقف تون اختلاف کرسا پارے کہ اردن مہالو رابطہ کتو و جلہو کرے، ہراڑا اودے گڑتی ارےِ۔ شامی سول ڈیفنس نا رِد اٹ درعا و صویدا صوبہ غاتا خلقی علاقہ غاتیٹی 4 ہند آتے شست کننگا، ہرانا سوب آن 3 چنا و 1 زالبول اسے تون اوار 7 بندغ زوال و 3 ٹھپی مسر۔ ایلو کنڈآ جلہو آن پد شام اردن تون تینا اسٹ انگا مسافر و واپاری سیمی کسر ‘نصیب’ ءِ بند کرے۔