پوسکن آ صوبہ غاتا بابت سندھ انا الس نا فیصلہ بنفنگانے، بلاول بھٹو

کراچی، چیئرمین پیپلز پارٹی بلاول بھٹو زرداری پارینے کہ بنجائی حکومت 28 می ترامیم آ ہچ ءُ ہیت اس کتنے۔ پوسکن آ صوبہ غاتا باندات آ سندھ انا الس تینا فیصلہ ءِ بنفینے، بنجا نا نمائندہ غاک صوبہ نا جوانی ٹی ہچ استخواہی نشان تفننگ اٹی ءُ۔ میڈیا تون ہیت وگپ کرسا بلاول بھٹو پارے کہ سیاست دان تا دا کاریم اف کہ او الس اٹی بدبیسئی و بشخ و پانٹ نا سیاست ءِ شون ایتر۔ وخت اس کہ بنجا نا نمائندہ غاک سندھ اٹی گچینی کن ہچ ءُ استخواہی تا نشان تفننگ ءُ داڑان چَپ او اختلاف آتے ودفنگ اٹی ءُ۔ او پارے کہ بنجا 28 می ترامیم آ ہچ ءُ ہیت اس کتنے۔ پوسکن آ صوبہ غاتا باندات آ ہم سندھ انا الس تینا فیصلہ ءِ بنفینے۔ او پارے کہ دا وخت آ الس ءِ زرگزرانی ویل آتتون مون تروک ءِ، کبینی‘ غریبی و بے روزگاری آسمان آٹے‘ نن الس نا ویل آتا ایسری کن توار چست کینہ