مجتبیٰ خامنہ ای دراخ جوڑ و سنبرینگوک ءِ، باقر قالیباف
Get real time updates directly on you device, subscribe now.
تہران، ایرانی پارلیمنٹ نا اسپیکر باقر قالیباف پارینے کہ ایران نا سپریم لیڈر مجتبیٰ خامنہ ای پورو دراخ جوڑ سنبرینگوک و پُر جوش و پُر اومیت ءِ‘ ملک انا جم و پورو باندات آک اوڑتون ءُ‘ پارلیمنٹ آن تران کرسا باقر قالیباف معلومدار کرینے کہ ای سپریم لیڈر مجتبیٰ خامنہ ای تون اوڑدہی کریٹ، ہراٹی ملک انا زرگزرانی ویل آتیا خصوصی چکار کننگا۔ باقر قالیباف نا رِد اٹ مجتبیٰ خامنہ ای ملکی زرگزران نا اہم انگا ٹک آتا جاچ اٹی رد انگا کساس آتیان پاناد کننگ آ زور شاغا۔ او معلومدار کرینے کہ سپریم لیڈر پیداواری سپلائی چین ءِ رکھوک کننگ، کنوئی گڑاتا فراوانی ءِ پک کننگ، الس نا گڑا ہلنگ ناوس ءِ برجا تخنگ و پڑ آ ساڑی سلہہ بند فوج انا زرگزرانی گرج آتے پورو کننگ نا پارت ہم جاری کرینے۔