منہ تُو اٹ سعودی عرب اٹی رئیل اسٹیٹ نا بابت روڈ شو اڈ تننگک وزیر داخلہ محسن نقوی
پاکستان اٹی یکتا وڑ انا اولیکو تھیم پارک اسلام آباد اٹی جوڑ مریک، سعودی عرب زرکاری کیک اٹ تے
Get real time updates directly on you device, subscribe now.
پاکستان اٹی تینا وڑ انا اولیکو تھیم پارک اسلام آباد اٹی جوڑ مریک‘ دا رد اٹ تاریخی قذافی اسٹیڈیم اٹی پاکستان نا اولیکو تھیم پارک پراجیکٹ نا معاہدہ غا دستخط نا دود اڈ ہلک۔ بنجائی وزیر داخلہ و چیئرمین پی سی بی محسن نقوی خاص انگا مہمان ئس۔ مفاہمتی یادداشت آ سعودی پاکستان بزنس کونسل نا چیئرمین شہزادہ منصور بن محمد السعود و چیئرمین سی ڈی اے سہیل اشرف دستخط کریر۔ محسن نقوی مفاہمتی یادداشت آ دستخط نا ستاءِ کرسا شہزادہ منصور بن محمد السعود ءِ مبارکبادی تس۔ معاہدہ نا رد اٹ سعودی عرب نا زرکار آک اسلام آباد اٹی تھیم پارک پراجیکٹ کن زرکاری کیرہ‘ سی ڈی اے تھیم پارک اکن ڈغار فراوان کیک‘ محسن نقوی دا وخت آ پارے کہ تھیم پارک پراجیکٹ نا بابت سعودی عرب آن بروک آ شرفدار مہمان تے است انا ہُب اٹ بخیرٹ پانہ۔ اسلام آباد نا انفراسٹرکچر ءِ پوسکنوڑ تتون ہمگرنچ کننگ انگ ءِ۔ سعودی زرکار آتے وس انا کچ آ آسراتی فراوان کننگک۔ تھیم پارک اسہ گیم چینجر پراجیکٹ اس پک مریک‘ بروک آ منہ تُو اٹی سعودی عرب اٹی رئیل اسٹیٹ نا بابت روڈ شو انا ہم پلان ارے۔ شہزادہ منصور بن محمد السعود پارے کہ پاکستان خاص وڑ اٹ اسلام آباد اٹی زرکاری نا گچین وارخواہیک اریر‘ سی ڈی اے نا باسک و سعودی ڈل انا باسک آک ہم داوخت آ ساڑی ئسر۔