پاک چین تعلقداری تے پین سوگو کننگ کن رابطہ غاک المی ءُ،اسحاق ڈار

اسلام آباد، نائب وزیراعظم اسحاق ڈار تون چینی سفیر جیانگ زی ڈونگ دفتر خارجہ اسلام آباد اٹی اوڑدہی کرے۔ اوڑدہی ٹی پاک چین اسٹریٹجک کمکاری آ تالان شریداری ٹی پیشرفت آ گپ وتران کننگا۔ نائب وزیراعظم اسحاق ڈار پاک چین اقتصادی راہداری، علاقائی رابطہ، واپاری و زرکاری ٹی کمک کننگ آ است جمی نا درشانی ءِ کرے۔ پاکستان و چین نا کشاری پوسکنوڑی و راجی رابطہ غاتا شون تننگ اٹ کمک کننگ نا ہم جاچ ءِ ہلنگا۔ اسحاق ڈار پارے کہ پاک چین تعلقداری تے پین سوگو کننگ کن بڑزکو کہولی رابطہ غاتا ریسہ اہم ءِ۔ اوڑدہی ٹی پوسکن آ دور اٹی پاک چین اسیجائی آخبت نا کمیونٹی ءِ پین مونی دننگ نا ارادگی نا دوارگی و علاقائی حالیت آتیا ہم گپ وتران کننگا۔ ترجمان دفتر خارجہ نا رِد اٹ اوڑدہی ٹی ڈیہہ اٹی مدامگی امن و سوگوی کن مذاکرات و سفارت کاری نا اہمیت آ زور شاغنگا۔