اِرا سال اٹ 11 لکھ آن زیات درملکی کشانن، ایڈیشنل چیف سیکرٹری
Get real time updates directly on you device, subscribe now.
کوئٹہ، ایڈیشنل چیف سیکرٹری داخلہ بلوچستان حمزہ شفقات پارینے کہ صوبائی حکومت نیشنل ایکشن پلان آ عملدرآمد کرسا تدوک آ اِرا سال اٹ اوغان باتی تتون اوار 11 لکھ آن زیات کانود آن چَپ درملکی تے اوفتا ہندی وطن آ پدی راہی کرینے‘ دا گام گیج انا بنداوی مسخت صوبہ ءِ مون تروک زرگزرانی و سیکورٹی چیلنج آتتون مون تننگ ءِ۔ تدوک آ دے اسہ سوج اسے نا ورندی ٹی ایڈیشنل چیف سیکرٹری داخلہ بلوچستان حمزہ شفقات پارے کہ کانود آن چَپ ہنکینی درملکی تا کشنگ نیشنل ایکشن پلان آ عملدرآمد نا بشخ اسے۔ دا گام گیج نا کمک اٹ صوبہ ٹی سیکورٹی نا حالیت ءِ گچین جوڑ کننگ و زرگزرانی ویل آتتون مون تننگ کوشست کننگانے۔ او پارے کہ صوبائی حکومت دا رد اٹ گام گیج کرسا تدوک آ اِرا سال اٹ 11 لکھ آن زیات کانودآن چَپ درملکی ہرافتے ٹی اوغان باتیک ہم اوار ءُ، اوفتے اوفتا ہندی وطن آ راہی کرینے۔