ترکیہ، قطر، پاکستان و انڈونیشیا نا دفاعی کمکاری ءِ ودفنگ نا معاہدہ غا دستخط
مفاہمتی یادداشت فوجی پیداوار اٹی کمکاری ءِ شون تننگ، عسکری لائخی تے سوگو کننگ و تکنیکی فوجی ہیلکاری، پٹ و پول نا بشخ آتیٹی شریداری ءِ ودفنگ کن ءِ، یادداشت نا زرگزرانی اہمیت اس ہم ارے
Get real time updates directly on you device, subscribe now.
دوحہ، انقرہ، ترکیہ، قطر، پاکستان و انڈونیشیا دفاعی کمکاری ءِ ودفنگ و تینا دفاعی لائخی تے سوگو کننگ کن معاہدہ غا دستخط کرینو۔ ترک وزارت دفاع نا رِد اٹ ہرچار آ ملک آتا نیام اٹی دفاعی معاہدہ غا دستخط دوحہ ٹی کننگا۔ معاہدہ نا رد اٹ ہرچار آ ملک آک اسیجائی فوجی مشق و ہیلکاری کمکاری ءِ شون ایترہ، وخت اس کہ دفاعی پٹ و پول و شونداری نا بشخ آتیٹی ہم کمکاری ءِ ودفنگک۔ ترک وزارت دفاع پارینے کہ معاہدہ نا مسخت ہرچار آ ملک آتا دفاعی صنعت آتا نیام اٹی اسیجائی کمکاری ءِ شون تننگ و دفاعی لائخی تے پین سوگو کننگ ءِ۔ مفاہمتی یادداشت آ ترکیہ نا وزیر دفاع یاشار گولر، قطر نا نائب وزیراعظم و وزیر مملکت دفاعی باندات شیخ سعود بن عبدالرحمان بن حسن الثانی، انڈونیشیا نا نائب وزیر دفاع یوسف جوہری و پاکستان نا وزیر دفاع خواجہ محمد آصف دستخط کریر۔ دود اٹی ترکیہ نا دفاعی صنعت آتا ادارہ نا سروک ہالوک گورگن ہم بشخ ہلک‘ ترک وزارت دفاع نا رِد اٹ مفاہمتی یادداشت نا مسخت فوجی پیداوار اٹی کمکاری ءِ شون تننگ، عسکری لائخی تے سوگو کننگ و تکنیکی فوجی ہیلکاری، پٹ و پول و شونداری نا بشخ آتیٹی شریداری ءِ وسعت تننگ ءِ۔ بیان نا رِد اٹ دا گام گیج آن پوسکنوڑ دفاعی نظام اٹی پیشرفت نا رِد اٹ پوسکن آ ایسری تا تیاری و دفاعی صنعتی بشخ آتے شونداری تننگ اٹی کمک رسینگک‘ ترک وزارت دفاع پارینے کہ دا مفاہمتی یادداشت ہرچار آ ملک آتیکن زرگزرانی اہمیت ہم تخک، انتئے کہ داڑان اوفتا دفاعی پیداواری لائخی تے اسہ جاگہ کننگ، تین پہ تینی ہم گرنچی ءِ گچین جوڑ کننگ و دفاعی صنعت آتے سوگو کننگ اٹی کمک رسینگک‘ دا کمکاری نا اسہ مسخت اس سیوتی و سنگت ملک آتا گرج آتے پورو کننگ کن دفاعی پیداوار نا لائخی ءِ ودفنگ ہم ءِ‘ ترک وزارت دفاع نا رِد اٹ دا معاہدہ غان ہرچار آ ملک آتا نیام اٹی عسکری کمکاری ءِ ودفنگ‘ دفاعی صنعت اٹی رابطہ غاتا شون تننگ و سیکورٹی، سوگوی و اسیجائی ہدف آتا دوئی کننگ کن کثیر ملکی کمکاری سوگو مننگ نا اومیت ءِ۔