وزیر داخلہ بلوچستان نا کوئٹہ نا چندی علاقہ غاتا اناگت دورہ
Get real time updates directly on you device, subscribe now.
کوئٹہ، وزیرداخلہ بلوچستان میر ضیاء اللہ لانگو کوئٹہ شار انا جتا علاقہ غاتا اناگت دورہ ءِ کرے و سیکورٹی بست و بند آتا جاچ ءِ ہلک۔ دورہ نا وخت آ وزیر داخلہ شار اٹی امن و ایمنی نا حالیت و سیکورٹی گام گیج آتا جاچ ءِ ہلک و بست و بند آتیا است جمی نا درشانی ءِ کرے۔ دا وخت آ میر ضیاء اللہ لانگو پارے کہ الس نا جان و مال انا رکھ حکومت نا اولیکو اولیت ءِ۔ صوبہ ٹی امن و ایمنی ءِ برجا تخنگ و شاری تے رکھی چاگڑد فراوان کننگ کن کل المی گام گیج آتے کننگ انگ ءِ‘ او پارے کہ شاری تا رکھ و امن وایمنی نا برجائی کن تعلقدار ادارہ غاک تینا زمواری تے سر تننگ اٹی ءُ۔