حب اٹی شونداری ڈٹ آتیا کاریم ءِ پک کروک وخت آ پورو کننگے،کمشنر لسبیلہ ڈویژن
ڈویژن اٹی برجا شونداری ڈٹ آتیٹی بروک آ اڑاند آتے دمدستی وڑاٹ چٹفنگے
Get real time updates directly on you device, subscribe now.
حب، برجا کل شونداری ڈٹ آتیٹی بروک اڑاند آتے دمدستی وڑاٹ مر کننگے و کل شونداری ڈٹ آتیا کاریم ءِ پک آب انا رداٹ پورو کننگے تاکہ الس ءِ گچین سفری آسراتی و آب اٹ بنداوی پنجر فراوان کننگ مرے۔ سرجم حوال آتا رداٹ کمشنر لسبیلہ ڈویژن سائرہ عطاء نا کماشی ٹی ضلع لسبیلہ ٹی مواصلات و تعمیرات (C&W) نا رداٹ برجاو سلاہ ئی شونداری ڈٹ آتیا پیشرفت نا بابت دیوان اڈ ہلک، دیوان اٹی ڈپٹی کمشنر حمیرا بلوچ، ایس پی لسبیلہ نجیب اللہ پندرانی، ایکسین روڈ بشخ ہلک۔ محکمہ مواصلات و تعمیرات نا انجینئر مچ آ ضلع ٹی سڑک آتا تفنگ و جوڑ جاڑ و ایلو شونداری اسکیم آتا بابت کمشنر لسبیلہ ءِ سرجمی اٹ حوال تس۔ حوال نا وخت آ شونداری ڈٹ آتا ساڑی حالیت، پیشرفت، پورو مننگ نا وخت و مون تروک ویل آتا بارواٹی کمشنر لسبیلہ ڈویژن ءِ معلومدار کننگا۔ دا وخت آ کمشنر لسبیلہ ڈویژن پارت کرے کہ شونداری ڈٹ آتیا کاریم پک آب و وخت انا رداٹ پورو کننگے۔ او ڈٹ آتا گچین چاروکی‘ تفوئی کاریم تا آب ءِ پک کننگ و شونداری اسکیم تیٹی شفافیت ءِ برجا تخنگ آ زور شاغا۔ کمشنر لسبیلہ ڈویژن سرکاری افسر آتے پارت کرے کہ شونداری ڈٹ آتیٹی بروک آ اڑاند آتے دمدستی وڑاٹ چٹفنگے و کل اسکیم تیا پیشرفت نا باقاعدگی اٹ چاروکی ءِ کرسا رپورٹ پیش کننگے تانکہ الس ءِ گچین سفری آسراتی و آب اٹ بنداوی پنجر اس فراوان کننگ مرے۔