معرکہ حق آن پد پاکستان نا سرسہبی تے دنیا منک، فرح عظیم شاہ

کوئٹہ، بلوچستان عوامی پارٹی نا صوبائی اسمبلی نا باسک فرح عظیم شاہ پارینے کہ معرکہ حق آن پد پاکستان نا سرسہبی تے مچ آ دنیا منک، مولانا فضل الرحمن ملک انا سینئر بڑزکو کہولی سیاستدان اسے، اوفتے سیاسی فائدہ نا جاگہ غا قومی فائدہ ءِ اولیت ترسا گورنر راج و ایمرجنسی نا نفاذ نا حوالہ اٹ صوبہ خیبرپختونخوا نا بلوچستان تون بیٹ تننگ راست ءُ عمل اس اف انتئے کہ کے پی کے نا حکومت دھرنا و بے چیٹی نا سیاست کرسا ملکی سلامتی ءِ گہو تخنگ نا کوشست کرے۔ دا ہیت ءِ او چارشنبے نا دے کوئٹہ پریس کلب اٹی پریس کانفرنس آن تران کرسا کرے۔ فرح عظیم شاہ پارے کہ بحیثیت پاکستانی ننا تعلقداری ہرا بشخ آن مرے، ملکی فائدہ ءِ مدام اولیت تروئی مریک‘ پاکستان نا شونداری و سرسہبی تے دنیا شرف ایتک‘ معرکہ حق آن پد پاکستان سرسہبی تا پوسکن آ منزل آتے سر تننگ اٹی ءِ۔