ڈپٹی کمشنر مستونگ نا کماشی ٹی ڈسٹرکٹ کوآرڈینیشن کمیٹی نا دیوان

مستونگ، ڈپٹی کمشنر مستونگ بہرام سلیم بلوچ نا کماشی ٹی ڈسٹرکٹ کوآرڈینیشن کمیٹی (ڈی آئی سی سی) نا بڑزکو کہولی دیوان اڈ ہلک، ہراٹی مچ آ ضلع نا جتا سرکاری محکمہ غاتا کارکڑد، برجا شونداری ڈٹ، السی ویل و سرکاری کہول آ فراوان کروک آسراتی تا جم جاچ ءِ ہلنگا۔ دیوان اٹی ایڈیشنل ڈپٹی کمشنر جنرل، اسسٹنٹ کمشنر مستونگ، اسسٹنٹ کمشنر دشت، اسسٹنٹ کمشنر کردگاپ، اسسٹنٹ کمشنر کھڈکوچہ، محکمہ بلڈنگز اینڈ روڈ انا ایکسین‘ایکسین محکمہ پبلک ہیلتھ انجینئرنگ، ڈسٹرکٹ ایجوکیشن آفیسر، پرنسپل گرلز کالج، ڈی ایس پی مستونگ، سپرنٹنڈنٹ جیل، ڈسٹرکٹ ہیلتھ آفیسر، میڈیکل سپرنٹنڈنٹ ڈسٹرکٹ ہیڈکوارٹر ہسپتال، محکمہ کشت وکشار نا افسر آتتون اوار سرکاری محکمہ غاتا سروک، فوکل پرسن ڈپٹی کمشنر آفس و ایلو تعلقدار کمامدار آک بشخ ہلکر۔