بلوچستان اٹی ”صحت دہلیز“ درستی راستی کرفنگانے، وزیراعلیٰ بلوچستان
Get real time updates directly on you device, subscribe now.
کوئٹہ، وزیراعلیٰ بلوچستان میر سرفراز بگٹی پارینے کہ صوبائی حکومت مُر انگا و پدتموک علاقہ غاتا الس ءِ اُراٹی تولسا مفت طبی سلاہ نا آسراتی فراوان کننگ کن پوسکنوڑ ڈیجیٹل ایپلی کیشن ”صحت دہلیز“ درستی راستی کرفینے، ہرانا کمک اٹ شاریک 24 گھنٹہ، سال انا 365 دے آزموندہ کار طبی چاہندار آتیان مفت سلاہ ہلنگ کیرہ۔ راجی رابطہ نا ویب سائٹ ایکس آ تینا کلہو اٹی وزیراعلیٰ پارے کہ جانجوڑی نا آسراتی تے پوسکنوڑ ٹیکنالوجی نا کمک اٹ الس نا درگہ اسکان رسیفنگ حکومت بلوچستان نا اولیت آتیٹی اوار ءِ۔ او پارے کہ ایپ انا فعال مننگ نا اولیکو دے 791 کنسلٹیشن کال آتا کمک اٹ شاری تے آزموندہ کار ڈاکٹر آک مفت طبی مشورہ فراوان کریر‘ ہرا دا آسراتی نا فائدہ و السی گرج انا پاش ءُ درشانی اسے۔ وزیراعلیٰ میر سرفراز بگٹی پارے کہ بلوچستان نا بھلا رقبہ، مُر انگا آبادی و گڑاس علاقہ غاتیٹی طبی آسراتی اسکان رسینگ گیگ انا ویل آتے مون آ تخسا پوسکنوڑ ڈیجیٹل وڑوڈول تیان جانجوڑی نا خذمت آتا فراوانی اہمیت تخک۔