وزیراعظم شہباز شریف اینو پشاور آ کاہک
Get real time updates directly on you device, subscribe now.
وزیراعظم شہباز شریف اینو پشاور نا دورہ ءِ کیک‘ ہراڑے او صوبہ ٹی امن و ایمنی نا حالیت آتا جاچ ءِ ہلنگ کن بڑزکو کہولی دیوان نا کماشی ءِ کیک‘ حوالی نارد اٹ دیوان اٹی وزیراعظم ءِ دہشتگرد و فتنہ الخوارج نا برخلاف برجا کارروائی و سیکورٹی گام گیج آتیا جم بریفنگ تننگک۔ حوالی نارد اٹ وزیراعظم ءِ خیبرپختونخوا ٹی امن و ایمنی نا برجا تخنگ کن درکار سیکورٹی وسیلہ و گرج آتیان ہم معلومدار کننگک۔ دیوان اٹی صوبہ نا جم سیکورٹی حالیت و دہشت گردی نا چٹفنگ کن کروک گام گیج آتا جاچ انا گمان ءِ۔ دورہ نا وخت آ وزیراعظم شہباز شریف نا اوار مروک قبائلی ضلع و سویلی خیبرپختونخوا نا ہر چار آ ضلع غاتے ٹی جوڑ ایریا ریپریزنٹیٹو اینڈ ڈویلپمنٹ کونسل نا باسک آتتون ہم اوڑدہی نا گمان ءِ۔