اسلام آباد، پاکستان و مالدیپ نا چندی بشخ آتیٹی کمکاری نا 20 یات داشت آ دستخط
انفارمیشن ٹیکنالوجی، آرٹیفیشل انٹیلی جنس، سائبر سیکورٹی، ڈیجیٹل سکلز، جان جوڑی، تعلیم، دفاع ءِ شون تننگک
Get real time updates directly on you device, subscribe now.
اسلام آباد، پاکستان و مالدیپ ہڑتوم آ کنڈآتا تعلقداری تے پین سوگو کننگ و چندی بشخ آتیٹی تین پہ تینی کمکاری ءِ مونی دننگ کن انفارمیشن ٹیکنالوجی، اے آئی‘ سائبر سیکورٹی، ڈیجیٹل سکلز، جان جوڑی، تعلیم، دفاع، بحری سلامتی، کشت وکشار، سیل و سوات، واپار و چاگڑدی رکھ اتون اوار جتا جتا بشخ آتیٹی کمکاری کن مفاہمت نا 20 یادداشت (ایم او یو) تیا دستخط کرینو۔ دا ایم او یو تیا مالدیپ نا صدر ڈاکٹر محمد معیزو نا مسہ دے ئی سرکاری دورہ نا وخت آ دستخط کننگا ہرا ہڑتوم آ کنڈآتا سفارتی تعلقداری نا 60می سال دے انا وخت آ11سال آتیٹی مالدیپ نا صدر اسے نا اولیکو دورہ ءِ۔ وزیراعظم محمد شہباز شریف و صدر ڈاکٹر محمد معیزو ہم دود اٹی ساڑی ئسر، وخت اس کہ ہڑتوم آ ملک آتا نمائندہ غاک مہالو آن دستخط مروک دستاویز آتا ہل وتس کریر۔ ہڑتوم آ ملک آتا نیام اٹ اٹ پک مروک آ مفاہمت نا یادداشت آتیٹی انفارمیشن ٹیکنالوجی، سائبر سیکورٹی، اے آئی‘ ڈیجیٹل چاہنداری و ٹیکنالوجی و پوسکنوڑ نا بشخ آتیٹی کمکاری، منشیات و اوفتا جوڑ کننگ اٹی کاریم اٹ اتوک آ کیمیائی گڑاتا کانود آن چَپ اسمگلنگ و کاریم اٹ اتنگ نا توننگ و راجی رکھ انا بشخ آتیٹی کمکاری اوار ءِ۔ جان جوڑی نا بشخ اٹی پاکستان نا ڈرگ ریگولیٹری اتھارٹی (ڈریپ) و مالدیپ فوڈ اینڈ ڈرگ اتھارٹی نا نیام اٹ کمکاری، طبی چاہندار آتا مونی بروک و دفاعی کمکاری نا بابت مفاہمت نا یادداشت آک ہم لڑاٹی اوار ءُ۔