بھارت کن ایران تو امریکہ کن پاکستان اہم ءِ، مارکو روبیو

ممبئی، بھارتی میڈیا ءِ انٹرویو ترسا مارکو روبیو پارے کہ نن دنیا ٹی ہر جاگہ ٹی مروک مروک دہشت گردی نا برخلاف اُن، نن ہر ہمو بندغ یا ملک انا برخلاف اُن ہرا دہشت گردی نا کاٹم خواجہی ءِ کیک۔ او پارے کہ امریکہ نا پاکستان تون تعلقداریک اریر و جغرافیائی نقطہ نظر اٹ امریکہ کن پاکستان تون تعلقداری جوڑ کننگ المی ءِ۔ امریکی وزیر خارجہ پارے کہ دن کہ بھارتی حکومت ءِ ایران تون تعلقداری تخنگ نا گرج ءِ و بھارتی حکومت ایرانی راہشون تتون اوڑدہی کیک، ہندا وڑ امریکہ ءِ پاکستان تون تعلقداری تا گرج ءِ۔ مارکو روبیو مستی پارے کہ پاکستان تون تعلقداری تے ٹی نن اوفتون مذاکرات کرین تو شاید داڑان ننے کمک رسینگ کے۔ مننگ کیک کہ دا تعلقداری تا کمک اٹ نن بھارت ءِ مون تروک گڑتی تے مر کننگ اٹی تینا کڑد ءِ ادا کننگ کین۔