ملک اٹ سیٹلائٹ براڈ بینڈ فریم ورک ءِ گڈیکو دروشم تننگ انگ ءِ،شزہ فاطمہ خواجہ

سیؤل، بنجائی وزیر انفارمیشن ٹیکنالوجی و ٹیلی کمیونیکیشن شزہ فاطمہ خواجہ پارینے کہ جہانی کنیکٹیوٹی اسہ پنوک ءُ آخا بلکن اسہ بے پورو ءُ قول اسے، پاکستان اے آئی نا پوسکن آ دوراٹی جہانی ڈیجیٹل کمکاری و شریداری عمل کن پورو وڑاٹ تیار ءِ۔ دا خیال آتا درشانی ءِ بنجائی وزیر آئی ٹی سویلی کوریا نا دارالحکومت سیؤل اٹی اڈ ہلوک”جہانی ڈیجیٹل و اے آئی سمٹ“ نا بڑزکو کہولی سیشن آن بحیثیت اہم گپ تران کرسا کرے۔ او پیدوار کرے کہ وزیراعظم نا ”ڈیجیٹل نیشن پاکستان ویژن“ نا رداٹ پاکستان اے آئی ءِ بنداوی وڑاٹ نیٹ ورک اپ گریڈیشن و ترند رابطہ نا چیلنج نا وڑاٹ ہرک۔ ملکی آبادی نا 70 درسد بشخ 30 سال آن کم وئی ورناتیا تالان ءِ وخت اس کہ ٹیلی کام صارف آتا کچ 20 کروڑ آن گدرینگانے، ہرا آب و پوسکن آ ڈیجیٹل آسراتی تا ودوک آ خواست انا شاہدی ءِ۔ شزہ فاطمہ خواجہ پینل ءِ معلومدار کرے کہ پاکستان مارچ 2026 اٹی داتم اسکان نا کل آن بھلا سپیکٹرم نیلامی ءِ سرسہبی اٹ پورو کرے، ہرانا رداٹ 480 میگاہرٹز سپیکٹرم ءِ نیلام کرسا 509 ملین امریکی ڈالر دوئی کننگا۔ دا نیلامی نا بیرہ شش تُو انا تہہ ٹی ملک انا 24 بھلاشار تیٹی 1,700 آن زیات سائٹ آتیا ترند 5G سروس نا بناءِ کننگانے، ہراڑے صارف آتے 130 ایم بی پی ایس نا رفتار دُوبننگ ءِ وخت اس کہ تدوک آسال آتیٹی ملک اٹی جم ڈاؤن لوڈ اسپیڈ اٹ 68.1 درسد ودکی ریکارڈ مسنے۔ بنجائی وزیر بنداوی پنجر نا مونی دننگ ءِ مون آ تخسا پارے کہ مچ آملک اٹی 2 لکھ 34 ہزار کلو میٹر آن زیات آپٹیکل فائبر کیبل نا جال اس تالان کننگانے۔