ڈویژنل ڈائریکٹر ایجوکیشن کوہِ سلیمان نا ضلع بارکھان نا دورہ

بارکھان، حکومت بلوچستان نا تعلیمی اصلاحات، سرکاری اسکول آتا فعال مننگ و تعلیمی آب اٹ گچینی نا گام گیج آتا رد اٹ ڈویژنل ڈائریکٹر ایجوکیشن کوہِ سلیمان ڈویژن ڈاکٹر محمد سلیم زرکون ضلع بارکھان نا سرجم دورہ ءِ کرے، ہراڑے او تعلیمی سرجز و انتظامی باندات آتا جاچ ءِ ہلک۔ دورہ ناوخت آ ڈویژنل ڈائریکٹر گرلز ہائی اسکول مدینہ مسجد بارکھان نا جاچ ءِ ہلک داوخت آ استاد وطالب علم آتا حاضری پور وخت اس کہ تدریسی سرجز برجا خننگا۔ او اسکول اٹی برجا تعلیمی عمل نا جاچ ءِ ہلک و تعلیمی سرجز آتیا است جمی نا درشانی ءِ کرے۔ اوکان گڈ ڈسٹرکٹ ایجوکیشن آفیسر بارکھان بہادر شاہ نا دفتر اٹی کلسٹر ہیڈز انا دیوان اڈ ہلک، ہرانا کماشی ءِ ڈاکٹر محمد سلیم زرکون کرے۔ دیوان اٹی ڈی ای او بہادر شاہ و ڈپٹی ڈی ای او طارق ہم بشخ ہلک۔