دہشت گردی نا باندات آ ان کیمرہ دیوان بٹنگ انگے‘مولانا فضل الرحمان

اسلام آباد، جمعیت علمائے اسلام(جے یو آئی) نا امیر مولانا فضل الرحمن خیبرپختونخوا ٹی گورنر راج و ایمرجنسی ءِ مسترد کرسا حکومتی بیانیے ءِ سٹی گوندانے وپارینے کہ سیاسی جماعت آتا سروک آتا ای شرف ءِ کیوہ۔ دہشت گردی نا باندات آ ان کیمرہ دیوان بٹنگ انگے۔سے شنبے نادے پارٹی نا بنجائی مجلس شوری نا فیصلہ غاتیان میڈیا ءِ آگاہ کرسا مولانا فضل الرحمن پارے کہ جماعت سیاسی مکالمہ غا باور کیک۔ حکومتی پالیسی تیا گڑتیک مریر تو دوبہ خلنگ نا جاگہ غا سیاسی وڑ اٹ ورندی تننگے۔ اگہ غاوک اریر تو پارلیمنٹ نا ان کیمرہ دیوان بٹنگسا ہیت کننگے۔ مولانا فضل الرحمن خیبر پختونخوا ٹی گورنر راج ءِ مسترد کرسا پارے کہ داڑکن حکومتی بیانیہ سٹی ءِ‘ کیہی آپریشن آک مسر ولے بھرمک تا مون آبتوس۔