پاک ایران سیم انا وختی بندش نا بابت سوشل میڈیا غا کننگ انگ ءِ‘ شاہد رند
Get real time updates directly on you device, subscribe now.
کوئٹہ، وزیراعلیٰ بلوچستان نا کمکار حوالکاری و سیاسی باندات شاہد رند پارینے کہ پاک ایران سیم انا وختی بندش نا بابت سوشل میڈیا غا غوغا کننگ انگ ءِ ہرافتا رد اٹ الس ءِ راستکی تیان معلومدار کننگ المی ءِ‘ سیم انا وختی بندش نا بنداوی مسخت ہڑتوم آ کنڈ آتیا سیکورٹی گڑتی تا ایسری، اسمگلنگ نا توننگ و سیمی باندات آتا جوان چاروکی کن اسہ ہم گرنچ ءُ نظام اس ٹہیفنگ ءِ‘ تینا اسہ بیان اسے ٹی شاہد رند پارے کہ سیمی بست وبند آتے گچین جوڑ کننگ و تعلقدار ویل آتا ایسری کن ہڑتوم آ کنڈ آتا بڑزکو کمامدار آتا نیام اٹی مثبت پیشرفت برجا ءِ‘انتظامی باندات آتے ٹی گچینی اتنگ و مون تروک آ ویل آتا ایسری کن گام گیج کننگ انگ ءِ‘ ہرانا سوب آن پاک ایران سیم انا زُوت ملنگ انگ نا گمان ءِ۔