اسسٹنٹ کمشنر اوستا محمد ماریہ شمعون شار انا کل رجسٹرڈ پٹرول پمپ آتا دورہ
Get real time updates directly on you device, subscribe now.
اوستا محمد، وزیراعظم فیول ریلیف پروگرام نا رد اٹ حقدار شاری تے ریلیف نا فراوانی، رجسٹریشن نا عمل ءِ آسان جوڑ کننگ و کل ریسہ غاتیٹی شفافیت ءِ پک کننگ کن ڈپٹی کمشنر اوستا محمد محمد رمضان پلال نا پارت آتا رد اٹ اسسٹنٹ کمشنر اوستا محمد ماریہ شمعون شار انا کل رجسٹرڈ پٹرول پمپ آتا دورہ ءِ کرے۔ داوخت آ او پروگرام آ عملدرآمد نا حالیت، شاری تے فراوان کروک آسراتی و رجسٹریشن نا وڑ و ڈول انا جاچ ءِ ہلسا السی غاو تا ایسری آ خصوصی چکار کرے۔ دورہ نا بنداوی مسخت وزیراعظم فیول ریلیف پروگرام نا بابت شاری تا کنڈ آن رسینگوک غاو تا جاست پاست ءِ کننگ ئس ہرافتے ٹی رجسٹریشن نا عمل اٹی مون تروک مشکل، بے ضابطگی و ریلیف نا دوئی کننگ یا رجسٹریشن نا پن آ کانود آن چَپ فیس ہلنگ تون تعلقدار غاوک اوار ئسر۔