بجٹ و خڑچ آتتون تعلقدار کل ریکارڈ ءِ باقاعدہ ترتیب تننگے، ڈی سی جھل مگسی
Get real time updates directly on you device, subscribe now.
جھل مگسی، تدوک آ دے ڈپٹی کمشنر جھل مگسی سید رحمت اللہ شاہ نا کماشی ٹی ضلع جھل مگسی نا محکمہ تعلیم نا کلسٹر ہیڈ آتتون کلسٹر بجٹ نا بشخ و پانٹ، مالیاتی ریکارڈ نا جاچ و تعلیمی ادارہ غاتے فراوان کروک فنڈ آتا کاریم اٹ اتنگ تون تعلقدار اہم ءُ دیوان اس اڈ ہلک۔ دیوان اٹی ڈسٹرکٹ ایجوکیشن آفیسر جھل مگسی قرت العین مگسی و ضلع نا ایلو کلسٹر ہیڈ آک بشخ ہلکر۔ دیوان نا مسخت تعلیمی ادارہ غاتیکن جتا کروک بجٹ نا بشخ و پانٹ نا وڑ و ڈول، مالیاتی باندات آتے ٹی شفافیت و ریکارڈ نا گچینی نا جاچ ءِ ہلنگ ئس۔ دیوان اٹ محکمہ تعلیم نا کلسٹر ہیڈ آتتون تعلقدار مالیاتی ریکارڈ، بجٹ نا بشخ و پانٹ و خڑچ آتا حساب تو تعلقدار باندات آتیا سجفنگا۔