الس ءِ جانجوڑی نا بنداوی آسراتی تا فراوانی اٹی ڈیوالئی سگنگ مفک‘قائم لاشاری

پشین، ڈویژنل کمشنر پشین قائم خان لاشاری پارینے کہ الس ءِ جانجوڑی نا بنداوی آسراتی تا فراوانی ٹی ہچ وڑ انا سستی یا ڈیوالئی ءِ اسُل سگنگ مفک‘ و سرکاری ہسپتال آتیا بروک ہر شاری ءِ شرف اتون اوار گچین و پوسکنوڑ درمان نا فراوانی انتظامیہ نا اولیکو اولیت ءِ‘ دا ارادگی نا درشانی ءِ او پوسکن جوڑ کروک پشین ڈویژن اٹی جانجوڑی نا بشخ ءِ مون تروک بھلا چیلنج، انتظامی اصلاحات و بجٹ باندات نا جاچ ءِ ہلنگ کن اڈ ہلوک بڑزکو کہولی خصوصی دیوان نا کماشی ءِ کرسا کرے۔ دیوان اٹی ڈویژنل ڈائریکٹر ہیلتھ سروسز ڈاکٹر فضل محمد کاکڑ، ضلعی ناظم جانجوڑی ڈاکٹر گل زمان، میڈیکل سپرنٹنڈنٹ ڈاکٹر نصراللہ لانگو، میڈیکل سپرنٹنڈنٹ ٹیچنگ ہسپتال پشین و اسسٹنٹ اکاؤنٹس آفیسر محمد جہانگیر بابر تون اوار ایلو تعلقدار کمامدار آک بشخ ہلکر، وخت اس کہ کمشنر پشین ءِ انتظامی و مالیاتی باندات تون اوار ہسپتال نا آپریشنل حالیت آ جم بریفنگ ہم تننگا۔