ٹکری مجیب کھیازئی نا شہادت اسہ افسوسناک و است ہسون ءُ واقعہ اس ہے، نواب ثناء اللہ زہری

کوئٹہ، پاکستان پیپلز پارٹی نا مرکزی راہشون، مسکوہی وزیراعلیٰ بلوچستان و چیف آف جھالاوان نواب ثناء اللہ خان زہری ممتاز قبائلی راہشون ٹکری مجیب کھیازئی نا دہشت گرد جلہو اٹی شہادت آ شدید ڈکھ و افسوس نا درشانی ءِ کرینے؛ تینا تعزیتی بیان اٹی مسکوہی وزیراعلیٰ بلوچستان نواب ثناء اللہ خان زہری پارے کہ ٹکری مجیب کھیازئی نا شہادت اسہ بھلو سانحہ اس ہے، ہراڑآن اونا خاہوت، قبیلہ و علاقہ نا الس ءِ ناقابلِ تلافی نسخان رسینگانے؛ او پارے کہ بے گناہ و شرفمند قبائلی شخصیت آتے دہشت گردی نا شست کننگ انتہائی افسوسناک و قابلِ مذمت عمل ہے۔