سریاب آن کچلاک اسکان پیپلز ٹرین چلائفنگ نا خیرمقدم ءِ کین، جماعت اسلامی

کوئٹہ، سریاب آن کچلاک اسکان پیپلز ٹرین چلائفنگ نا خیرمقدم ءِ کین البتہ ہندا روٹ آ بھلو آبادی و بھلا علاقہ آک اسٹیشن اسٹاف آن محروم ءُ، حافظ نور علی نائب امیر جماعت اسلامی بلوچستان؛ نائب امیر جماعت اسلامی بلوچستان مولانا حافظ نور علی پارے کہ ساڑی گرانی نا دور اٹی وزیراعلیٰ بلوچستان نا کوئٹہ ٹی الس دوست ٹرین چلائفنگ نا عملی گام آ نن اودے خراجِ تحسین پیش کین، البتہ بلیلی آن کچلاک نا نیام اٹی بھلو آبادی والا علاقہ کلی کتیر، کلی ملا خیل، کلی اندڑ آباد، کلی تاج وال، کلی سملی، کلی داوی، کلی شریف، کلی کرک، کلی ملازئی، کلی جمیل آباد، ڈی ایچ اے، کلی علی محمد، کلی صوفی و ایلو گوٹھ آک پیپلز ٹرین نا آسراتی آن محروم ءُ؛ نن علاقہ نا الس نا مشکلات آتے چکار اٹی تخسا وزیراعلیٰ بلوچستان آن خواست کین کہ کلی ملازئی نا خڑک پک اینڈ ڈراپ کن اسہ اسٹاف و اسٹیشن اس جوڑ کننگے۔