وزیراعظم شہباز شریف نا نواز شریف تون اوڑدہی
Get real time updates directly on you device, subscribe now.
لاہور، وزیراعظم شہباز شریف جاتی امرا رائے ونڈ اٹی مسلم لیگ (ن) نا صدر و مسکوہی وزیراعظم نواز شریف تون اہم اوڑدہی کرے، ہراٹی وزیراعلیٰ پنجاب مریم نواز ہم ساڑی ئس‘ اوڑدہی ٹی ملک انا جم سیاسی حالیت، حکومت ءِ مون تروک چیلنج، داخلی و قومی سلامتی و امن وایمنی تون تعلقدار باندت آتیا جم سجفنگا۔ حوالی نا رد اٹ اوڑدہی ناوخت آ وزیراعظم شہباز شریف نواز شریف ءِ حکومت و اپوزیشن نا نیام اٹ مروک مذاکرات نا بے سہبی نا سوب آتیان معلومدار‘ ہڑتوم آ راہشونک سیاسی حالیت و حکومت و اپوزیشن نا نیام اٹی ودی مروک آ اختلاف آتا کیہی پلو آتیا ہم گپ وتران کریر۔ وزیراعظم مسکوہی وزیراعظم نواز شریف ءِ الس ءِ ریلیف فراوان کننگ کن حکومت نا کنڈ آن کروک گام گیج آتیان ہم معلومدار کرے۔