محکمہ ریلوے نا کوشست آتیان جناح پیپلز میٹرو ٹرین سروس پورو مس، نوابزادہ امیر حمزہ

کوئٹہ، صوبائی سلاہکار بلدیات و خلقی شونداری نوابزادہ امیر حمزہ خان زہری جناح پیپلز میٹرو ٹرین سروس نا بناءِ کوئٹہ نا شاری تیکن اہم ءُ گام اس گوندسا پارینے کہ ساڑی حکومت اسہ پین قول اسے چنکو وخت اسے ٹی پورو کرینے او پارے کہ وزیراعلیٰ بلوچستان میر سرفراز بگٹی نا خاص استخواہی و محکمہ ریلوے نا کوشست آتیان جناح پیپلز میٹرو ٹرین سروس بیرہ چار تُو اٹ پورو مس، ہرا الس ءِ گچین سفر نا آسراتی تا فراوانی نا کنڈ آ اہم ءُ پیشرفت اسے‘ صوبائی سلاہکار بلدیات نوابزادہ امیر حمزہ زہری پارے کہ حکومت بلوچستان الس ءِ بنداوی آسراتی تا فراوانی و شونداری ڈٹ آتیا خاص چکار کرینے وخت اس کہ جناح پیپلز ٹرین نا بنا ہم ہندا ریسہ نا اسہ لڑ اسے‘ او پارے کہ پیپلز پارٹی نا حکومت نا دور اٹی بلوچستان ءِ شونداری وشونہالی نا کسر آ روان کننگ کن گام گیج آک برجا ءُ۔