گرین بس سروس ءِ ڈیجیٹائز کننگ و شاری تے گچین سفری آسراتی تا فراوانی نا بابت دیوان اڈ ہلک، ذیشان لاشاری

کوئٹہ، کمشنر کوئٹہ ڈویژن ذیشان لاشاری نا صدارت اٹی گرین بس سروس ءِ ڈیجیٹائز کننگ و الس ءِ گچین سفری آسراتی تا فراوانی نا بابت دیوان اڈ ہلک، ہراٹی شاری تے گچین، آسان و جدید سفری آسراتی تا فراوانی تون اوار گرین بس سروس ءِ جدید خطوط آ استوار کرسا ڈیجیٹل نظام تون ہم آہنگ کننگ نا امور تا جاچ ءِ ہلنگا۔ دیوان اٹی ایڈیشنل سیکرٹری ٹرانسپورٹ، ایم ڈی پی ایم ٹی اے، ڈائریکٹر جنرل پی ٹی سی بی، سی ای او پی پی پی، سیکرٹری آر ٹی اے کوئٹہ، اسسٹنٹ کمشنر سٹی کوئٹہ، سی سی او ٹی ایس پی ایل و چیف آپریٹنگ آفیسر آن بیدس ایلو افسر آک بھی ساڑی ئسر۔ دیوان اٹی دا ہیت آ زور تننگا کہ الس ءِ سفری آسراتی تا فراوانی کن گرین بس سروس نا نظام ءِ مرحلہ وار جدید و ڈیجیٹلائزڈ کننگے، تاکہ شاری تے بس سروس آن تعلقدار کل المی معلومات تینا موبائل فون نا وسیلہ اٹ آسان وڑ اٹ دستیاب مننگ کین۔