سردار یار محمد رند نا سینئر صحافی خلیل الرحمن نا کزیت آ است ہسونی
Get real time updates directly on you device, subscribe now.
کوئٹہ، مسکوہی بنجائی وزیر سردار یار محمد رند روزنامہ جنگ کوئٹہ نا ایڈیٹوریل کمیٹی نا چیئرمین و سینئر صحافی خلیل الرحمن نا کزیت آ است ہسونی نا درشانی ءِ کرینے۔ چارشنبے نادے آتینا ہڑزخواہی بیان اٹ مسکوہی بنجائی وزیر پارے کہ ایماندارخلیل الرحمن اسہ پکا، باوقار و آزموندہ کار صحافی اس ئس، ہرا بلوچستان اٹ صحافت نا مون آدننگ، السی ویل آتے تالان کننگ و زموارصحافت نا مون آدننگ اٹ نمان خذمت سرتس۔ سردار یار محمد رند پارے کہ ایماندارنا صحافتی خذمت و السی کڑد ءِ مدام یات تخنگک۔ او ایماندارنا درجہ غاتا بڑزی کن دعا کرے۔