شہدائے پاکستان فرض، عزت و قربانی نا بڑزکو قدر تا پاش دروشم ءُ، آئی ایس پی آر

راولپنڈی، یومِ دفاع و شہداء نا وخت آ پاکستان نا سلہہ بند فوج شہدائے پاکستان ءِ خراجِ عقیدت پیش کرسا غازی و شہداء آتا پدخاہوت آتے کن شرف و منتواری نا درشانی ءِ کریر، وخت اس کہ آئی ایس پی آر پارینے کہ شہدائے پاکستان فرض، عزت و قربانی نا بڑزکو قدر آتا پاش دروشم ءُ۔ سلہہ بند فوج غازی و شہید آتا خاہوت آتتون ہڑزخواہی ہم کرے۔ چیف آف ڈیفنس فورسز فیلڈ مارشل عاصم منیر، نیول چیف ایڈمرل نوید اشرف و ایئر چیف مارشل ظہیر احمد بابر سدھو، جنرل عامر رضا تون اوار مچ آ سلہہ بند فوج انا کنڈ آن شہدائے پاکستان ءِ خراجِ عقیدت پیش کننگا سلہہ بند فوج نا کنڈ آن غازی و شہید آتا خاہوت آتے کن شرف و منتواری نا درشانی ءِ کننگا۔ آئی ایس پی آر نا رِداٹ 6 September قومی سیوت‘ عزم وجیرت نا مدامگی دروشم ءِ، 1965 نا جنگ اٹی پاکستانی قوم وطنِ عزیز نا رکھ اکن اسٹ مرسا مون آ بس‘ شہدائے پاکستان فرض، عزت و قربانی نا بڑزکو قدر آتا علامت ءُ، جنگ ناپڑ فضا و سمندر آتیٹی وطن نا رکھ کروک آک تینا نہادی جان تے ندر کریر۔ آئی ایس پی آر نا رِداٹ شہید آتا قربانیک بروک آ نسل تا راہشونی کن کسر نا ڈیوا ءُ، و شہید آتا خاہوت آک ہمت وحوصلہ نا سوگو علامت ءُ۔