پنجگور، چتکان بازار سوزی منڈی ٹی خاخر لگنگ آن کیہی دکان ہشنگار

پنجگور نا پنی آ واپاری ہند چتکان بازار سوززی منڈی ٹی اناگت خاخر لگنگ ناسوب آن کیہی دکان و وختی ہند آک ہشنگسا ہس مسرہراڑان پوریاگر تے بھلو مالی نسخان مس۔ خاخر نا حوال رسینگ تون پولیس کارندہ غاک ہند آ سر مسر، وخت اس کہ میونسپل کارپوریشن نا اِرا فائر بریگیڈ گاڈی خاخر ءِ کسفنگ کن دمدستی ہند آ راہی کننگار۔ خاخر لگنگ نا سوب شارٹ سرکٹ پاننگ انگ ءِ۔ چتکان بازار اٹی شارٹ سرکٹ نا سوب آن لگوک خاخر ترندی اٹ تالان مرسا مسہ مارکیٹ مچھلی مارکیٹ، بوٹ مارکیٹ و راشن مارکیٹ ءِ تینا پلویڑ اٹ ہلک۔ پوریاگر برادری و دکاندارک تینا کمک تینٹ دمدستی گام گیج کرسا خاخر ءِ پین تالان مننگ آن توریر، ہراڑان کیہی دکانک ہشنگ انگ ان بچار ولے مسہ دکان پورو وڑ اٹ ہشنگسا ہس مسر۔ سوزی منڈی ٹی جوڑ جگ آک پورو وڑ اٹ ہشنگسا ہس مسر۔ پوریاگر برادری تینٹ ہمت کرسا دکان تے بچفنگ اٹی سرسہب مس۔ بازار نا گلی و کسرک تنک مننگ نا سوب آن میونسپل کارپوریشن نا فائر بریگیڈ نا کارندہ غاتے خاخر کسفنگ و کولنگ نا سرجز اٹی اڑاند و سخت خواری مون تروئی تما۔ پنجگور (نامہ نگار)