یو این ڈی پی پاکستان نا نمائندہ نا جی ڈی اے ماحولیات نا دورہ

گوادر، اقوامِ متحدہ نا شونداری پروگرام پاکستان نا نمائندہ ثناء درانی گوادر ڈویلپمنٹ اتھارٹی نا ماحولیات بشخ انا دورہ ءِ کرے، ہراڑے او تعلقدار کمامدار آتتون اوڑدہی ناوخت آ گوادر نا کرکی آبادی نا اواری آ تالان سمارٹ کلائمیٹ گام گیج و تین پہ تینی کمکاری نا گمان تیا جم گپ وتران کرے۔ موسمیاتی بدلی نا زہم تتون مون تننگ‘ چاگڑد نا رکھ و ماحولیاتی لچک ءِ سوگو کننگ و ہندی الس نا روزگار و زرگزرانی وارخواہی تا گچینی کن عملی، مدامگی و پوسکنوڑ گام گیج آتیا جم سجفنگا۔ گوادر ڈویلپمنٹ اتھارٹی نا ڈپٹی ڈائریکٹر ماحولیات عبدالرحیم سمارٹ کلائمیٹ گام گیج آتا بابت سلاہ ترسا دا ہیت آ زور شاغا کہ مدامگی و کمیونٹی ہند پراجیکٹ آتا حقی زہم تے کرک انا باتی تسکان سر کننگے۔ دا وخت آ اسسٹنٹ ڈائریکٹر میونسپل یحییٰ وڈیلا، انوائرمنٹ آفیسر حمل دشتی و ہندی چاہندار پذیر احمد ہم بشخ ہلک و تینا سلاہ تے پیش کرے۔