بلوچستان اٹی سیاسی سرجز نا گیگ کم مسنے، ڈاکٹر عبدالمالک بلوچ

کوئٹہ، نیشنل پارٹی نا سروک و مسکوہی وزیراعلیٰ بلوچستان ڈاکٹر عبدالمالک بلوچ پارینے کہ صوبہ ٹی مستین نا مون اٹی زیات سخت و بے واکداری نا چاگڑد ودی مسنے، سیاسی سرجز و السی رابطہ غاتیا پابندی تا سوب آن مشکل آک ودنگ اٹی ءُ، وخت اس کہ تدوک آ اِرا دہائی تیاں برجا بے ایمنی و چک و تاڑ نا حالیت آک بلوچستان نا الس خاص وڑ اٹ ورناتے سخت زہمی کرینو۔ دا خیال آتا درشانی ءِ او شنبے نا دے کوئٹہ پریس کلب اٹی نیشنل پارٹی نا پوسکن گچین مروک آ ضلعی کابینہ نا سوغندی دود آن تران کرسا کرے۔ دا وخت آ بنجائی سیکرٹری جنرل میر کبیر احمد محمدشہی و ایلو پارٹی راہشونک ہم تینا خیال آتا درشانی ءِ کریر۔