ڈپٹی کمشنر نصیر آباد نا کماشی ٹی کشاری انکم ٹیکس ہلنگ نا بابت دیوان
Get real time updates directly on you device, subscribe now.
نصیرآباد، ڈپٹی کمشنر نصیر آباد وریندر لعل نا کماشی ٹی ریونیو افسرآتا اہم ءُ دیوان اس اڈ ہلک، ہراٹی ضلع نصیر آباد اٹی کشاری ٹیکس، عشر، آبیانہ و ایلو سرکاری وام تے ہلنگ تون اوار ریونیو باندات نا جم جاچ ءِ ہلنگا۔ دیوان نا وخت آ تعلقدر ریونیو افسر آتا کنڈ آن ڈپٹی کمشنر نصیر آباد ءِ کشاری انکم ٹیکس، عشر و آبیانہ نا رد اٹ زمیندار تیا سلوک وام تے ہلنگ و پک کروک ہدف نا دوئی نا بابت سرجم بریفنگ تننگا۔ افسر آک زرہلنگ نا عمل اٹی مون تروک ویل و آخبت نا لائحہ عمل آن ہم معلومدار کریر‘ دا وخت آ ڈپٹی کمشنر نصیر آباد وریندر لعل ریونیو افسر آتیان تران کرسا پارے کہ حکومت نا پک کروک ریونیو ہدف نا دوئی کننگ ضلعی انتظامیہ نا زمواری ءِ، ہندا سوب آن کشاری انکم ٹیکس، عشر، آبیانہ و ایلو سرکاری زرتس نا رد اٹ کشار تیا سلوک وام تا ہلنگ ءِ امر کہ مرے پک کننگے۔