اسسٹنٹ کمشنر اورماڑہ ماہ نور برکت نا اورماڑہ نا اسکول آتا دورہ

اورماڑہ، اسسٹنٹ کمشنر اورماڑہ ماہ نور برکت پارینے کہ صوبائی حکومت نا تعلیم دوست پالیسی نا رِداٹ تعلیمی ادارہ غاتیٹی آب اٹو تعلیم، گچین تعلیمی چاگڑد و بنداوی آسراتی تافراوانی ءِ پک کننگ کن ہر وڑ انا گام گیج کننگ انگ ءِ۔ دا خیال آتا درشانی ءِ او گورنمنٹ گرلز ہائی اسکول اورماڑہ، گورنمنٹ گرلز پرائمری اسکول غازی لین و گورنمنٹ بوائز ہائی اسکول غازی لین نا دورہ نا وخت آ استاد وطالب علم آتتون ہیت وگپ کرسا کرے۔ دا وخت آ اسسٹنٹ کمشنر طالب علم واستاد آتا حاضری، تعلیمی و بنداوی آسراتی، برجا شونداری کاریم‘ اسٹاف نا گرج و طالب علم آتے مون تروک ویل آتا جم جاچ ءِ ہلک۔ اسسٹنٹ کمشنر اسکول اٹی تعلیمی چاگڑد نا شون تننگ‘ طالب علم آتا حاضری ٹی گچینی و دوئی آسراتی تا گچین کاریم اٹ اتنگ آ زور شاغا و پارے کہ طالب علم آتے آب اٹو تعلیم و گچین تعلیمی وارخواہی فراہم کننگ حکومت نا اولیت آتے ٹی اوار ءِ۔