امریکہ راستی تے امنا کے، قول آتے پورو کے، اسپیکر ایرانی پارلیمنٹ

ایرانی پارلیمنٹ نا اسپیکر محمد باقر قالیباف پارینے کہ امریکہ اسہ بے سہب ءُ سُج پام اس ہرفینے و جنگ بندی نا بابت مسکوہی قول آتیا عملدرآمد نا خواست کرینے۔ قالیباف سوشل میڈیا پلیٹ فارم ایکس آ نوشتہ کرے کہ “بھلو جلہو اس مننگ کیک‘ آخا‘ او مذاکرات کننگ خوارہ”۔ پاش وڑ اٹ او امریکی صدر ڈونلڈ ٹرمپ نا کنڈ آ اشارہ کرے۔ ہرا ایران آ جلہو تا دھڑکو تننگ نا ساہت اسے آن پد اوفتے توننگ و مذاکرات نا ہیت کیک۔ اسپیکر محمد باقر قالیباف مستی پارے کہ دا وار وار کروک آ ہیت آک سفارتی راگ اسے ءُ‘ او امریکہ آ زور شاغا کہ او راستی تے امنا کے و تینا قول آتے پورو کے