آزاد کشمیر اٹی ن لیگ حکومت جوڑ کننگ نا وڑ اٹی ءِ، رانا ثناء اللہ
Get real time updates directly on you device, subscribe now.
وزیراعظم نا سلاہکار رانا ثناء اللہ و بنجائی وزیر کشمیر باندات امیر مقام اسک پارینو کہ مسلم لیگ (ن) آزاد کشمیر اٹی حکومت جوڑ کننگ نا وڑ اٹی ءِ‘ ہچ ءُ لمہ نا مار اسے الس نا مینڈیٹ ءِ پلنگ کن الیپنہ۔ حویلی ٹی گچین کاری جلسہ غان تران کرسا رانا ثناء اللہ آزاد کشمیر نا گچین کاری تیٹی دھاندلی نا دوبہ غاتے مسترد کرسا پارے کہ آزاد کشمیر نا تاریخ نا شفاف انگا گچین کاریک مسنو۔ او پارے کہ پاکستانی و کشمیری تا است اسٹ ءِ‘۔ پاکستان کشمیر آن بیدس نیمہ ءِ‘ نن کشمیر نا اُن و کشمیر ننا ءِ‘ رانا ثناء اللہ پارے کہ آزاد کشمیر اٹی حکومت جوڑ کننگ کن 45 آن 23 نشست درکار ءُ، مسلم لیگ (ن) اِرا ریسہ نا گچین کاری اٹی پیدوار گیشتری دوئی کرینے، داسہ آزاد کشمیر اٹی تعمیر و شونداری نا پوسکن ءُ دور اسے نا بنا مریک‘ او پارے کہ آزاد کشمیر نا شونداری مسلم لیگ (ن) نا اولیت آتیٹی اوار ءِ۔