وزیر خزانہ نا کوپ 31 ایکشن ایجنڈا نا مخ تفی، موسمیاتی ڈٹ آتیاگچین عملدرآمد نا گرج ءِ، سینیٹر محمد اورنگزیب
Get real time updates directly on you device, subscribe now.
نیویارک، بنجائی وزیر خزانہ و بنگکاری سینیٹر محمد اورنگزیب کوپ 31 ایکشن ایجنڈا کن پاکستان نا کنڈآن پورو مخ تفی نا پڑو ءِ کرسا پارینے کہ بنداوی چیلنج موسمیاتی ڈٹ آتا جوڑ کننگ اف بلکن اوفتیا گچین عملدرآمد ءِ۔ وزیر خزانہ دا خیال آتا درشانی ءِ کوپ 31 نا بنائی وخت آ کرے۔ او پاکستان نا کنڈآن ایجنڈا نا پورو مخ تفی نا درشانی ءِ کرسا پارے کہ دا ایجنڈا پاکستان نا قومی موسمیاتی اولیت و قومی کہول آ پک کروک شریدار این ڈی سی تھری تون ہم گرنچ ءِ۔ سینیٹر محمد اورنگزیب موسمیاتی بدلی تیان پاکستان نا سخت حساسیت ءِ تالان کرسا ساف توانائی و بجلی نا کاریم اٹ اتنگ اٹ ودکی، قابلِ تجدید توانائی نا مون آ دننگ، توانائی نا گچین کاریم اٹ اتوک آ ماڑی، موسمیاتی بدلی تیان رکھوک شار، موسمیاتی تعلیم و السی آگاہی، غذائی رکھ و موسمیاتی رداٹ سوگو کشت وکشارءِ اسیجائی اولیت گوندا۔ وزیر خزانہ ای۔ ڈی سی نا قول آتے زرکاری ناقابل و مالی کمکی ڈٹ آتیٹی بدل کننگ کن سلاہ ئی کلائمیٹ امپلیمنٹیشن برج نا ستاءِ کرے۔ او زور شاغاکہ داسہ بنداوی چیلنج موسمیاتی ڈٹ آتا جوڑ کننگ اف بلکن اوفتیا گچین عملدرآمد ءِ۔ او ایکشن ایجنڈا ٹی پیدوار عملی گام گیج و کارکڑد نا اہم ٹک آتا ستاءِ کرسا اودے عملی، بھرم تروک و پیمائش کروک آ زہم آتا وڑ اٹ گوندا۔