سندھ ایری گیشن نا بلوچستان اٹ سم نالہ غا کاریم تے سگپنہ، کمشنر نصیر آباد

کمشنر نصیرآباد ڈویژن صلاح الدین نورزئی نا کماشی ٹی بلوچستان نا بشخ اٹی این او سی آن بیدس سم نالہ غا تفوئی کاریم تے توننگ نا بابت بڑزکو کہولی دیوان اس اڈ ہلک۔ دیوان اٹی چیف انجینئر کینالز قربان علی جتوئی، سپرنٹنڈنگ انجینئر ایریگیشن سرکل مدثر ظفر کھوسہ، اسسٹنٹ کمشنر صحبت پور سیف الدین کھوسہ و اسسٹنٹ کمشنر جعفرآباد دھیرج کالرا بشخ ہلک۔ دیوان ءِ بریفنگ ترسا چیف انجینئر کینالز قربان علی جتوئی پارے کہ بلوچستان نا دنگ اٹ جوڑ کروک سم نالہ نا کاریم ءِ سندھ ایریگیشن نا کنڈ آن کننگ انگ ءِ و داڑان بلوچستان نا ڈرینج سسٹم دراست زہم مریک‘ دا وخت آ ایکس ای این سخت گڑتی درشان کرسا پارے کہ نالہ نا ختنگ نا کاریم ءِ حکومت بلوچستان آن این او سی دوئی کننگ آن بیدس بنا کننگانے۔ او خواست کرے کہ تانکہ بڑزکو کمامدار آتیان باقاعدہ موکل ہلنگپک‘ بلوچستان نا دنگ اٹ نالہ نا دا کاریم ءِ برجا تخنگ نا موکل تننگپک۔